Coss’ te disi, coss’ te par,
sta modernità, sto luso,
dove ne portarà?
Xe dificile capir,
ma me dà l’impresion
che de de tuto per complicar i fa!
Per esempio,
dove che vado, vado,
trovo sempre evoludo, cambià.
Ogi se usa dir computerizado!
Saria utile un picio manual,
opur “le Istruzioni per l’uso”
a l’urgenza consultar
co te devi andar!
Ogigiorno, anca per calar l’acqua,
bisogna ben rifleter,
non aver premura
non premer niente;
non tirar a indovinar!
Anzi ghe vol pazienza per capir,
e fantasia per trovar.
Insoma,... nervi saldi,
calma e gesso,....per ben usar.!
